अमेरिकामा मौसम परिवर्तनको असर: अझै शक्तिशाली आधीँहरु आउनसक्ने चेतावनी, हालैको आँधीले छ वटा राज्यमा १०० बढीको मृत्यू

सांकेतिक फाईल फोटो

बाल्टिमोर । अमेरिकामा हालै आएको शक्तिशाली आँधीको कारण मर्नेहरुको संख्या १०० नाघेको छ । केन्टकीका गभर्नर एन्डी बेशियरले आफ्नो राज्यमा मात्रै सप्ताहन्तको विनाशकारी आँधीबाट मर्नेहरूको संख्या १०० भन्दा बढी हुने बताएका छन्। 'यो हामीले भोगेको सबैभन्दा घातक आँधी हो। मलाई लाग्छ कि यो अमेरिकी इतिहासमा सबैभन्दा लामो र सबैभन्दा घातक आँधीबेहरी हुनेछ ।' उनले भने ।   आँधी ६ राज्यमा २२७ माइल भन्दा बढी जमिनमा  थियो, जसमध्ये २०० केन्टकीमा थियो । कति केन्टकीवासीहरू बेपत्ता छन् भनेर सोध्दा  बेशियरले संख्या यकिन गर्न सकेनन् तर हराएकाहरुको सूची आठ पृष्ठ रहेको उनले बताए । 

यस साताको अन्त्यमा मध्य संयुक्त राज्य अमेरिकाका केही भागहरूमा आएको शक्तिशाली आँधी(टोर्नाडो) हरू जलवायु परिवर्तनको कारणले भएको अमेरिकाको संघीय आपतकालीन व्यवस्थापन अधिकारीले बताएका छन् । आइतवार आपतकालिन व्यवस्थापन प्रशासक, डीन क्रिसवेलले जलवायू परिवर्तनले गम्भीर मौसमको सामना गर्न तयार हुनुपर्ने बताईन । यो विवसता हाम्रो नयाँ सामान्य हुन गइरहेको छ, हामीले जलवायु परिवर्तनको प्रभाव देखिरहेका छौं र यो हाम्रो पुस्ताको संकट हो, क्रिसवेलले भने । हामीले यी गम्भीर मौसमी घटनाहरूबाट देखिरहेका प्रभावहरूलाई कम गर्न र समुदायहरूलाई जोगाउन मद्दत गर्ने प्रणालीव्यापी परियोजनाहरू विकास गर्न आवश्यक छ ।   केही समय अगाडिमात्रै राष्ट्रपति बाइडेनले यो हप्ताको आँधीमा जलवायु परिवर्तनको विशेष प्रभाव रहेको बताएका थिए ।  उनले आफ्नो वातावरण संरक्षण एजेन्सीलाई मूल्याङ्कन गर्न आदेशश पनि दिएका थिए ।  

जलवायु परिवर्तनले टोर्नाडो गठन र तीव्रतामा खेलेको भूमिकाको बारेमा वैज्ञानिक अनुसन्धान कम हुने गरेको गुनासो हुँदै आएको छ । अन्य प्रकारका चरम मौसमहरू जस्तै खडेरी, बाढी र आँधीहरूका लागि जत्तिको बलियो अनुसन्धान हुन नसकेको विज्ञहरुले बताएका छन् । क्रिसवेलले मध्यपश्चिम र दक्षिणको फराकिलो भागमा फैलिएको शक्तिशाली आँधीको स्ट्रिङबाट क्षतिको आकलन गर्न केन्टकीको निर्धारित भ्रमण गरेकी छिन् । उनी होमल्याण्ड सेक्युरिटी विभागका सचिवसँगै यात्रा गर्नेछिन्।